ბოსტნეული ხმელთაშუაზღვისპირულად

საჭირო მასალა: 1 ცალი მწიფე პამიდორი, 2 თავი ხახვი, 2 ცალი სხვადასხვა ფერის ტკბილი წიწაკა, 350 გ საშუალო ზომის კარტოფილი, 0,5 კონა ახალი ან 1 სავსე ჩ.კ. ხმელი თავშავა, 6 ს.კ. ცივი გამოხდის ზეითუნის ზეთი, მარილი, პილპილი – გემოვნებით.

მომზადება: კანგაცლილ პამიდორს მოვაშოროთ თესლი და დავჭრათ. ხახვი სიგრძეზე ექვსად გავჭრათ. ტკბილ წიწაკას ამოვაცალოთ თესლი და მსხვილად დავჭრათ. კარტოფილი გავფცქვნათ და საშუალო ზომის კუბებად დავჭრათ.  ბოსტნეული მოვათავსოთ სქელძირიან ქვაბში ან ქოთანში, დავასხათ ზეთი, მოვაყაროთ თავშავა, მარილი, პილპილი და დაბალ  ტემპერატურაზე 35-40 წუთის განმავლობაში ვშუშოთ, სანამ არ მომზადდება. ხანდახან ამოვურიოთ, რომ არ მიიწვას.

© ღვინის კლუბი/Weekend