ატრია ნუშითა და სტაფილოთი

მასალა: 400 გ სტაფილო, 250 გ განიერი ფორმის ატრია, 60 გ ნუში, 1 ს.კ. ზეთი, 400 გ გაყინული ან დაკონსერვებული მწვანე ბარდა, 200 მლ 15-20%-ინი ნაღები, მარილი, პილპილი – გემოვნებით

მომზადება: სტაფილო  გავასუფთავოთ და კარტოფილის სათლელით მსხვილ, თხელ ფენებად დავთალოთ. ატრია  მოვხარშოთ ადუღებულ მარილიან წყალში. მოხარშვამდე 7-8 წუთით ადრე სტაფილო დავუმატოთ და ერთად მოვხარშოთ, შემდეგ  გადავწუროთ. ნუში დავფქვათ. ტაფაზე გავაცხელოთ ზეთი, დავუმატოთ ნუში, მწვანე ბარდა და 3-4 წუთის განმავლობაში საშუალო ცეცხლზე ვშუშოთ. დავასხათ ნაღები და წამოვადუღოთ, მოვაყაროთ მარილი და პილპილი. მასა ბლენდერით ავთქვიფოთ. დაბლენდერებული სოუსი მოვასხათ სტაფილოსა და ატრიას.

© ღვინის კლუბი/Weekend