ღორის მედალიონები საზაფხულო სალათით

საჭირო მასალა: 0,5 კონა სალათის ფოთოლი, 1 კონა ოხრახუში, 2 ს.კ. კაპარი, 1 ს.კ. საშუალო სიცხარის მდოგვი, 50 მლ ბოსტნეულის ბულიონი, 3 ს.კ. ზეთი, 300 გ მოხარშული და დაჭრილი კარტოფილი, 4 ნაჭერი (თითო 80 გ) ღორის რბილი ხორცი, 4 ცალი პამიდორი ჩერი, მარილი, წიწაკა – გემოვნებით.

მომზადება: ოხრახუში და კაპარი წვრილად დავჭრათ. დავასხათ 2 ს.კ. კაპარის მარინადი. მდოგვი, ბულიონი, 2 ს.კ. ზეთი და კაპარი ავურიოთ. დავუმატოთ კარტოფილი, ოხრახუში, მარილი და წიწაკა. ხორცის ნაჭრებს შემოვახვიოთ სამზარეულოს ძაფი, მოვაყაროთ მარილი და წიწაკა. სქელძირიან ტაფაზე გავაცხელოთ ზეთი  და ხორცის ნაჭრები ორივე მხრიდან მაღალ ცეცხლზე შევწვათ. შემდეგ ტაფითვე შევდგათ 180 გრადუსზე გახურებულ ღუმელში 7-8 წუთის განმავლობაში. ხორცის ნაჭრები შევახვიოთ ფოლგაში რამდენიმე წუთით. თეფშზე ამოვიღოთ ღორის ხორცის ნაჭრები, კარტოფილის სალათა და შუა-შუა გაჭრილი პამიდვრები.

© ღვინის კლუბი /Weekend