ცხელი სალათა ბოსტნეულით

საჭირო მასალა: 1 ს.კ. მცენარეული ზეთი, 1 ჩ.კ. დაკეპილი ნიორი, 1 ჩ.კ. გახეხილი ნედლი ჯანჯაფილი, მწვანე ხახვის რამდენიმე ფოჩი, 300-400 გ ქათმის ან ინდაურის ხორცი, 1 მოზრდილი სტაფილო, 1 ფინჯანი ნედლი მწვანე მუხუდო, 1 ცალი წითელი ტკბილი წიწაკა, ნახევარი მჟავე ვაშლი, შავი პილპილი.

საკმაზისათვის: 1 ს.კ. სოიას სოუსი, 1 ს.კ. ზეითუნის ზეთი, 1 ჩ.კ. ძმარი, 1 ჩ.კ. ჩილის ტკბილ-ცხარე სოუსი.

მომზადება: შევურიოთ სოუსის ინგრედიენტები. ხორცისაგან მოვამზადოთ ფარში, გავუწყოთ მარილი და პილპილი. წიწაკა და ვაშლი დავჭრათ პატარა ნაჭრებად, სტაფილო გავხეხოთ მსხვილ სახეხზე. ტაფაზე გავაცხელოთ ზეთი და მოვშუშოთ ნიორი, ჯანჯაფილი და მწვანე ხახვი. დავამატოთ ფარში და ვშუშოთ ხორცის მომზადებამდე. დავამატოთ დანარჩენი ბოსტნეული, საკმაზი და 1-2 წუთი გავაჩეროთ ცეცხლზე. სალათას გავუწყოთ მარილი და პილპილი.