შემწვარი კამბალა ზეთისხილითა და ლიმონით

საჭირო მასალა: 4 ცალი 200-გრამიანი კამბალა, 1/2 ლიმონი, 1 კბილი ნიორი, 1/2 კონა ოხრახუში, 20 შავი ზეთისხილი, 50 მლ ზეითუნის ზეთი, მარილი გემოვნებით.

მომზადება: კამბალა გავასუფთავოთ, ფარფლები დავაჭრათ და თავიდან კუდის მიმართულებით ავაცალოთ კანი. დავჭყლიტოთ ნიორი, დავკეპოთ ოხრახუში და ავურიოთ ლიმონის წვენში. დავუმატოთ მარილი და ზეითუნის ზეთი. თევზები დიდ ტაფაზე მოვათავსოთ, მოვასხათ ლიმონისა და ზეთის ნაზავი, 1 ჭიქა წყალი. ტაფას გადავაფაროთ ფოლგა და 15 წუთი გავაჩეროთ საშუალო ტემპერატურაზე. სუფრასთან მიტანის წინ გავაფორმოთ ზეთისხილითა და ლიმონის ნაჭრებით.

© ღვინის კლუბი/Weekend