კომპანია Nielsen-ის მარკეტინგის ანალიტიკოსებმა ვარდისფერი ღვინოების პოპულარობის ვარდნა დააფიქსირეს. მათი მონაცემებით, ბოლო ერთი წლის განმავლობაში ვარდისფერების გაყიდვა ბაზარზე 2%-ით დაეცა. ამას თან დაერთო ვალუტის არასტაბილური კურსი, რამაც ამ ტიპის ღვინოების 5%-იანი გაძვირება გამოიწვია. თუმცა საწინააღმდეგოს ამტკიცებენ ღვინით მოვაჭრეები და აცხადებენ, რომ ვარდისფერ ღვინოზე მოთხოვნა შეუდარებლად გაზრდილია. ამასვე ადასტურებენ ღვინით მოვაჭრე მაღაზიათა ქსელ Laithwaites-ის წარმომადგენლები. მათი თქმით, როზეს გაყიდვები არ შემცირებულა და ეს ღვინო კვლავინდებურად პოპულარულია, განსაკუთრებით ზაფხულში, როდესაც მას ბარბექიუზე მისაყოლებლად ყიდულობენ.
სუპერმარკეტების ქსელ Waitrose-ს წარმომადგენლების განცხადებით კი, ვარდისფერი ღვინოების გაყიდვა ყოველწლიურად 77%-ით მატულებს.
© ღვინის კლუბი/Weekend
ბეჭდვა
