გამოქვეყნებულია: 8 დეკემბერი, 2012 - 13:54
ფრანგულმა მარანმა Chateau Fombrauge-მ გადაწყვიტა ორიგინალურად აღნიშნოს მისი ღვინოებისთვის Grand Cru-ს სტატუსის მინიჭება და ბაზარზე ლიმიტირებული რაოდენობით გამოუშვა ,,სტრადივარიუსის ღვინო”. კომპანიის მფლობელის – ბერნარ მაგრეს თქმით, მათ მიერ 2008 წელს ჩამოსხმული ხუთი მაგნუმი სტრადივარიუსის ვიოლინოების ნამდვილ ფუტლიარებში შეფუთული გაიყიდება. ფუტლიარები XVIII საუკუნის დასასრულით თარიღდება, ისინი სპეციალურად დაამუშავეს, რათა მათში ბოთლები მოხერხებულად მოთავსდეს. გარდა ამისა, ფუტლიარები ოქროს ფირფიტებით შეამკეს, შიდა მხარეს კი ვინტაჟური ხავერდი გამოაკრეს, რომლითაც ადრე ვენეციის კარნავალის კოსტიუმები იკერებოდა. სტრადივარიუსის ღვინის თითოეული ასეთი ბოთლი 9,9 ათასი დოლარი ღირს და მხოლოდ Chateau Fombrauge-ს მარანში იყიდება.
© ღვინის კლუბი/Weekend
ბეჭდვა
თქვენი კომენტარი