კახეთში რქაწითელის ჯიშის ყურძნის ჩასაბარებელი ფასი 45 - დან 80 თეთრამდე გაიზარდა. როგორც კახეთის საინფორმაციო ცენტრს რთველის საკოორდინაციო შტაბის უფროსმა ტარიელ გაბუნიამ განუცხადა, ყურძენზე ფასის გაზრდა იმან გამოიწვია, რომ გასულ წელთან შედარებით წელს მოსავალი ნაკლებია, მოთხოვნა კი დიდი.
„ზოგიერთი ღვინის ქარხანა რქაწითელის ჯიშის ყურძენს 50 თეთრად იბარებს, ზოგი 65 თეთრად. ამას ემატება სუბსიდიაც 15 თეთრის ოდენობით და საერთო ჯამში რქაწითელის ყურძნის ფასი 65-80 თეთრის ფარგლებში მერყეობს. აქამდე ღვინის ქარხნები რქაწითელის ჯიშის ყურძენს, სუბსიდიის ჩათვლით, 45 თეთრად იბარებდნენ. ფასის კიდევ უფრო გაზრდა მოსალოდნელი არ არის“, - აღნიშნა გაბუნიამ.
შეგახსენებთ, რომ წელს კახეთში 85 584 ტონა ყურძნის მოსავალია მოსალოდნელი. აქედან 58 419 ტონა რქაწითელია, 22 831 ტონა საფერავი და 4 335 ტონა ჰიბრიდული ჯიშის ყურძენი.
© მედიანიუსი
ბეჭდვა
ე.ი. ლილოში დაკრიფეს. ყოველ შემთხვევაში სართიჭალას არ გაცდებოდნენ :))
თქვენი კომენტარი