პანამურმა კომპანია Scottish Spirits-მა ბაზარზე ქილებში ჩამოსხმული ვისკის პარტია გამოუშვა, რამაც შოტლანდიური ვისკის ასოციაციის (Scotch Whisky Association) მესვეურთა უკმაყოფილება გამოიწვია. პროდუქციის საცდელი პარტია, რომელიც ერთი კვირის წინ ჩაეშვა გაყიდვაში, ამერიკის ბაზარზეა გათვლილი. მწარმოებლები აცხადებენ, რომ 340 მლ მოცულობის ქილებში ჩამოსხმული ვისკი იდეალურია იმისთვის, რომ სამ ადამიანს ეყოს და სურვილის მიხედვით, კოკა-კოლით ან სხვა ნებისმიერი სასმელით გააზავოს. ახალი შეფუთვის ვისკი იოლი და მოსახერხებელი სატარებელია, თან ტრადიციულად, მინის ბოთლში ჩამოსხმულ ვისკისთან შედარებით უფრო იაფიც ღირს. შოტლანდიური ვისკის ასოციაციაში პანამური კომპანიის ოპტიმიზმს არ იზიარებენ. როგორც ორგანიზაციაში განაცხადეს, ისინი ყველაფერს გააკეთებენ იმისთვის, რომ მარკირების საერთაშორისო წესებისა და ნორმების დარღვევის საბაბით ვისკის ჩამოსხმა ალუმინის ქილაში აიკრძალოს.
© ღვინის კლუბი/Weekend
ბეჭდვა
თქვენი კომენტარი