ალკოჰოლური სასმელების ფასები ხშირად ასტრონომიულ ციფრებს აწღევს, რაც, ხშირ შემთხვევაში, თვით სასმლის დამსახურებაა, მაგრამ არცთუ იშვიათია შემთხვევა, როდესაც ფასს ძვირფასი ტარა განაპირობებს. ჩინური კომპანია Wuliangye-ს მიერ წარმოებული ლიქიორი სწორედ მეორე კატეგორიას განეკუთვნება. ჩინური ლიქიორი, რომელიც 1990 წელს სიჩუანის პროვინციაშია დამზადებული, 46 500 დოლარი ღირს. ასეთი მაღალი ფასი ბოთლის მოსართავად გამოყენებული 190 გრამი ოქროს დამსახურებაა, რომლის ღირებულებაც, თავის მხრივ, 11 255 დოლარს აღწევს, ერთი მილილიტრი ლიქიორის ღირებულება კი 70 დოლარია. ლიქიორი ლიმიტირებული რაოდენობითაა ჩამოსხმული, თან ახლავს სერტიფიკატი და მისი შეძენა მხოლოდ გუანდუს პროვინციაში მდებარე ქალაქ გუანჯოუს სუპერმარკეტ Ole-შია შესაძლებელი. თუმცა უნდა აღინიშნოს, რომ ჩინურ ლიქიორზე ძვირი სასმელებიც არსებობს. მაგალითად, ამა წლის მაისში იტალიურმა კომპანია Antica Distilleria Russo-მ ბრიტანელ დიზაინერ სტიუარტ ჰიუზთან თანამშრომლობის შედეგად შექმნა ლიქიორი D'Amalfi Limoncello Supreme, რომელიც 44 მილიონი დოლარი ღირს და ეს არცაა გასაკვირი - ამ ლიქიორის ბოთლი ძვირფასი თვლებითაა მოოჭვილი, მათ შორის კი განსაკუთრებით აღსანიშნავია 18,5 კარატიანი უიშვიათესი ბრილიანტი.
© ღვინის კლუბი/Weekend
ბეჭდვა
თქვენი კომენტარი