ახალგაზრდა იტალიელმა დიზაინერებმა - Marina Cinciripini-მ და Sarah Richiuso-მ დროებითი ტატუების ფორმები გამოუშვეს, რომელსაც სახელად I Tradizionali უწოდეს. ტატუებზე კერძების მომზადების ეტაპებია გამოსახული. დიზაინერთა თქმით, ეს ის შემთხვევაა, როცა კონკრეტული კერძის რეცეპტი "ყოველთვის ხელთ გაქვს". ,,ეს კულინარიისა და ბოდი არტის საუკეთესო შეხამებაა. ჩვენი მიზანია, ადამიანებს ვასწავლოთ გემრიელი საჭმლის მომზადება და რეცეპტი ასეთი ორიგინალური, სახალისო ფორმით მივაწოდოთ. იმის მაგივრად, რომ რეცეპტი წიგნში ეძებოთ, საკმარისია, დაიხედოთ მაჯაზე და შეუდგეთ მზარეულობას. ასეთი ტატუ შეიძლება ბაზარში წასვლამდეც გაიკეთოთ, რომ რომელიმე პროდუქტის ყიდვა არ გამოგრჩეთ," - ამბობენ დიზაინერები. ტატუს ფორმები ადვილად გადადის კანზე და მათი მოშორებაც მეტად მარტივია. 4 სეზონური რეცეპტისგან შემდგარი ნაკრები 14 დოლარი ღირს, რეცეპტები კი ინგლისურ და იტალიურ ენაზეა შედგენელი.
© ღვინის კლუბი /Weekend
ბეჭდვა
თქვენი კომენტარი