ჰიბრიდული ჯიშის ყურძნის ყველაზე მეტი მოსავალი ახმეტის რაიონშია

ახმეტის რაიონში ჰიბრიდული ჯიშის ყურძნის ყველაზე მეტ მოსავალს ელოდებიან. როგორც კახეთის საინფორმაციო ცენტრს რეგიონის გუბერნატორის ადმინისტრაციაში განუცხადეს, ჰიბრიდული ჯიშის ყურძნის სავარაუდო მოსავლიანობა კახეთში სულ 4 335 ტონას შეადგენს. აქედან 1581 ტონა ახმეტის რაიონზე მოდის.
გურჯაანში 475 ტონა ჰიბრიდული ჯიშის ყურძნის მოსავალს ელოდებიან, დედოფლისწყაროს რაიონში 155 ტონას, ყვარელში 600 ტონას, სიღნაღის რაიონში 90 ტონას, თელავის რაიონში 696 ტონას და საგარეჯოში 738 ტონას.
კახეთის საინფორმაციო ცენტრის ინფორმაციით, წელს ჰიბრიდული ჯიშის ყურძნის ფასი 10 - 15 თეთრის ფარგლებში იქნება. სოფლის მეურნეობის სამინისტრო ჰიბრიდული ჯიშის ყურძენზე სუბსიდიას არ გასცემს.

© GHN