ესპანეთში ეკოლოგიური ვენახების ფართობი ბოლო წლებში სამჯერ, უკანასკნელი ორი წლის განმავლობაში ეკოღვინოების მწარმოებელი მარნების რიცხვი კი 340-დან 460-მდე გაიზარდა. თვითონ ქვეყანაში ასეთი ღვინო მაინც და მაინც პოპულარული არ არის, სამაგიეროდ, საზღვარგარეთ დიდი მოთხოვნით სარგებლობს და წარმატებით გადის ექსპორტზე. მაგალითად, ნავარას რეგიონში გაშენებული ვენახების საერთო რაოდენობის მხოლოდ 3,4 %-ია დაკავებული ეკოღვინის წარმოებით, რაც რეგიონის საექსპორტო ღვინის 10%-ს შეადგენს.
ეკოლოგიური ღვინის წარმოება ტრადიციული ღვინის წარმოებისგან განსხვავებული პროცესია. ამისთვის, პირველ რიგში, ეკოლოგიურად სუფთა ყურძენია საჭირო, რომლის მოყვანის დროსაც გამორიცხულია რამე სახის ქიმიური ნივთიერების ან სასუქის გამოყენება. მათ მაგივრად ბუნებრივი საშუალებები, მაგალითად, კომპოსტი გამოიყენება.
© ღვინის კლუბი/Weekend
ბეჭდვა
თქვენი კომენტარი