გამოქვეყნებულია: 17 მარტი, 2013 - 08:37
აზერბაიჯანის პრეზიდენტმა ილჰამ ალიევმა განაცხადა, რომ ხელს შეუწყობს ქვეყანაში მევენახეობისა და მეღვინეობის განვითარებას. ის თავად დაესწრო გაბალის რაიონის სოფელ გარადეინში მდებარე ღვინის ქარხნის Aspi Winery-ს გახსნას. საწარმო უახლესი ტექნოლოგიური დანადგარებით არის აღჭურვილი და მისი მესვეურები იმედოვნებენ, რომ უმაღლესი ხარისხის ღვინოსა და კონიაკს ჩამოასხამენ. ამისათვის შპს Aspi-Aqro იტალიურ კომპანიასთან VİVA Cooperative Rausedo VCR-სა და ფრანგულ GONTARD FRERES -თან თანამშრომლობს - მათ ერთად გააშენეს ვენახი დიდი კავკასიონის სამხრეთ ფერდობზე, სავალანის დაბლობზე - იქაურობა ხომ ოდესღაც მეღვინეობის ცენტრად იყო აღიარებული. ახალი ქარხანა იტალიური კომპანია DELLA TOFFOLA-ს უახლესი დანადგარებით არის აღჭურვილი და, სავარაუდოდ, წელიწადში 1000 ტონა ღვინოსა და კონიაკს აწარმოებს. 340 ჰექტარზე გადაჭიმულ ვენახში აზერბაიჯანელებმა ვაზის 22 ტექნიკური და 14 სუფრის ჯიში დარგეს.
© ღვინის კლუბი/Weekend
ბეჭდვა
თქვენი კომენტარი