ამერიკამ საფრანგეთი ჩამოიტოვა

2013 წელს მსოფლიოში სულ 238,7 მილიონი ჰექტოლიტრი ღვინო დაილია – 1%-ით ანუ 2,5 მილიონი ჰექტოლიტრით ნაკლები, ვიდრე 2012-ში. ღვინისა და მეღვინეობის საერთაშორისო ორგანიზაციის გენერალური დირექტორის ჟან-მარი ორანის თქმით, დალეული ღვინის ზუსტად ნახევარი 5 ქვეყანაზე ნაწილდება – საფრანგეთი, აშშ, გერმანია, იტალია და ჩინეთი. ღვინის გაყიდვების შემოსავალმა კი თანხობრივად 73 მილიარდი ევრო შეადგინა. ბატონი ორანი იმასაც აღნიშნავს, რომ უკვე რამდენიმე წელიწადია, ამ ბაზრის გლობალიზაცია მიმდინარეობს – პროდუქციის 35% ექსპორტის საშუალებით ვრცელდება, სულ რაღაც 10 წლის წინ კი ღვინის მხოლოდ 25% გადიოდა ექსპორტზე. 2013 წელს საფრანგეთში 28 მილიონი ჰექტოლიტრი ღვინო გაიყიდა მაშინ, როცა ამერიკაში გაყიდვებმა 29 მილიონი ჰექტოლიტრი შეადგინა. ამ მონაცემებით ამერიკამ პირველად ჩამოიტოვა საფრანგეთი, თუმცა უნდა აღვნიშნოთ - ეს ცვლილება მხოლოდ იმის ხარჯზე მოხდა, რომ სტატისტიკის მიხედვით, ფრანგებმა სმას 7%-ით უკლეს.

© ღვინის კლუბი /Weekend