ცნობილი ბრიტანელი მსახიობი საიმონ კელოუ უჩვეულო რადიოგადაცემას წაიყვანს - ის კლასკურ მუსიკას ღვინოსთან შეახამებს. ფილმის - ,,4 ქორწილი და 1 დაკრძალვა” - ვარსკვლავი შოუს, სახელად ,,სადეგუსტაციო შენიშვნები” - გამოსასვლელ დღეებში გაუძღვება. ,,მოხარული ვარ, რომ ჩემს გადაცემაში ცივილიზაციის ორ უდიდეს სიხარულზე – კლასიკურ მუსიკასა და ღვინოზე იქნება საუბარი. ეს ორი რამ ჩემს ცხოვრების უმთავრეს ინტერესს წარმოადგენს”, - განაცხადა მსახიობმა. აღნიშნული გადაცემა რადიო Classic FM-ის ეთერით გავა, მისი კონცეფცია კი ბრიტანელი ფსიქოლოგების დასკვნაზეა დაფუძნებული, რომლის თანახმადაც მუსიკა ღვინის გემოსა და არომატს აუმჯობესებს. კელოუს რადიოშოუ 2-საათიანი იქნება. გადაცემის მსვლლელობისას ერთგვარი “ღვინო-მუსიკალური ტური” მოეწყობა, რომლის დროსაც ერთი და იგივე ჯიშის ღვინოს სხვადასვხა კომპოზიტორის მუსიკას შეუხამებენ. გადაცემის პირველი ,,სტუმრები” იქნებიან ბურგუნდიული Bourgogne Blanc და ლანგედოკური Grande Reserve de Gassac Rouge. პირველ მათგანს მოცარტის, დებიუსის, დელიბომის, ბიუნუას, მეორეს კი – ბიზეს, შაბრიეს, სენ-სანსის მუსიკის თანხლებით დააგემოვნებენ. გადაცემის სპონსორია ღვინის კომპანია Laithwaites, რომელმაც ამ მიზნით ექვსნიშნა თანხა გამოყო.
© ღვინის კლუბი/Weekend
ბეჭდვა
თქვენი კომენტარი