ღვინო და ჩინური ბაზარი

ჩინეთში ცხოვრების დონე იზრდება, შესაბამისად, იზრდება მოხმარებული ღვინის რაოდენობაც. 2006-2009 წლებში ვენახების ფართობი ჩინეთში 6,1%-ით, ყურძნის წარმოება კი 11%-ით გაიზარდა. მეღვინეებსაც არ უზარმაციათ, 2008 წელთან შედარებით, 2009 წელს ქვეყანაში ღვინის წარმოება 28%-ით გაიზარდა. ამგვარად, ღვინის მოხმარების მაჩვენებლების მიხედვით ჩინეთი მსოფლიოში მერვე ადგილს იკავებს. 2009 წელს ქვეყანაში 960 ათასი ტონა ღვინო დააყენეს, ამავდროულად, წარმოების ზრდამ 2002-2009 წლებში დაახლოებით 19%-ით იმატა.