2013 წლის Wine Spectator-ის ბრმა დეგუსტაციაზე, ქართული ღვინოებიდან ყველაზე მაღალი შეფასება, 88 ქულა, „თელიანი ველის“ წინანდალმა დაიმსახურა. ასეთი მაღალი ქულით, ქართულ ღვინოებს შორის, მხოლოდ 2 ღვინო შეფასდა. პირველი 88 ქულა 2010 წელს „ თელიანი ველის“ მუკუზანს მიენიჭა. ასევე მაღალი ქულები მიენიჭათ: „თელიანი ველის“ ცოლიკოურს - 87 ქულა, საფერავს - 86 ქულა, გაუფილტრავ საფერავს - 85 ქულა და კაბერნე/საფერავს - 83 ქულა.
„Wine Spectator“ მსოფლიოს ერთ–ერთი ლიდერი ღვინის გამოცემაა, მისი რედაქტორები ყოველწლიურად აგემოვნებენ ათასობით ღვინოს. Wine Spectator ყველაზე სანდო, მკაცრ და კრიტიკულ ღვინის შემფასებლად ითვლება და მათი დეგუსტაციის შედეგებით მილიონობით ადამიანი ხელმძღვანელობს.
„თელიანი ველის“ წინანდალს Wine Spectator ასე ახასიათებს: მწვანე ვაშლისა და სუნელების არომატი, რომელიც კარგად ერწყმის მის მრავალფეროვან გემოს, საიდანაც შეიძლება გამოიყოს ვანილისა და გოგრის ტონები. ღვინო საკმაოდ ხანგრძლივი და ხალისიანი დაბოლოებით ხასიათდება! დალიეთ ახლა.
© ღვინის კლუბი/vinoge.com
ბეჭდვა
თქვენი კომენტარი