ახლახან სერ ივლინ დე როტშილდის საკოლექციო ღვინოების გაყიდვის წყალობით კრისტის აუქციონის სახლმა ლონდონში 1997 წლის საკუთარი რეკორდი მოხსნა. კოლექციის გაყიდვიდან შემოსულმა თანხამ 2,9 მილიონი გირვანქა სტერლინგი შეადგინა. ყველაზე ძვირად ღირებული ლოტი გახდა 1990 წლის 12 ბოთლი Romanée-Conti, რომელიც 115 000 გირვანქა სტერლინგად გაიყიდა. გარდა ამისა, აუქციონის მონაწილეებმა ნამდვილი ბრძოლა გააჩაღეს 1988 წლის Romanée-Conti-ს 12 ბოთლისათვის, რომლებიც საბოლოოდ 63 250 გირვანქა სტერლინგად გაიყიდა. კრისტის აუქციონის სახლის ღვინის საერთაშორისო დეპარტამენტის ხელმძღვანელმა დევიდ ელსვუდმა განაცხადა, რომ ამაყობს იმ ფართო არჩევანით, რომელსაც აუქციონის სახლი კლიენტებს სთავაზობს, ღვინის დეპარტამენტის დირექტორმა კრის მანრომ კი განაცხადა, რომ ეს ვაჭრობა გულუხვი წლის შესაფერისი დასასრული იყო.
© ღვინის კლუბი/Weekend
ბეჭდვა
თქვენი კომენტარი