გამოქვეყნებულია: 30 დეკემბერი, 2010 - 14:48
ეს ღვინო ჩემი აზრით საუკეთესოა ნახევრადმშრალ ქართულ ცქრიალა ღვინოებს შორის. ხარებას ნახევრადმშრალი ღვინო ტრადიციული ბოთლური მეთოდითაა დამზადებული. ძალიან ეფექტური გარეგნობა აქვს, შესანიშნავი მომწვანო-ოქროსფერი დაკრავს და ხანგრძლივი ცქრიალით ხასიათდება. სურნელებში ხილის ცოცხალი არომატის გარდა თაფლის ნამცხვრის ტონებიც ჩნდება. გემოზე რბილია და შესანიშნავი მისაყოლებელი იქნება ხილთან და მსუბუქ ტკბილეულთან, სუფლეებთან. ღვინის კლუბის მიერ 2 კვირის წინ მოწყობილ ცქრიალა ღვინოების დეგუსტაციაზე ამ ღვინომ მეორე ადგილი დაიკავა კატეგორიაში ტრადიციული მეთოდით დაყენებული ღვინოები.
© ღვინის კლუბი/Weekend
თემა:
ბეჭდვა
