გამოქვეყნებულია: 24 ნოემბერი, 2015 - 12:19
ამ ღვინის და ახალი მარნის დებიუტი წელს, მაისში, ახალი ღვინის ფესტივალზე შედგა და შეიძლება ითქვას, რომ ქვევრის საფერავების რიგებს კიდევ ერთი ძალიან გამორჩეული ღვინო შეუერთდა. ყურძენი თელავის რაიონის სოფელ კონდოლშია მოყვანილი და მისგან, ავტორმა ძალზე ძლიერი (15%) და კუნთებიანი ღვინო დააყენა. გაუმჭვირვალი, მუქი ჟოლოსფერი ღვინოა, ცინცხალი, ახალი ღვინისთვის დამახასიათებელი პირველი არომატებით, რომელსაც შემდეგ მწიფე ყურძნიდან და ჭაჭაზე შედარებით ხანგრძლივი დავარგებისგან მიღებული არომატები ემატება, სადაც ერთმანეთს ერწყმის მცენარეული (ღვია, ანწლი) და შავი კენკრისა და ხილის არომატები. მძლავრი ტანინების მქონე ხანგრძლივი დაბოლოების ღვინოა, სრული გემოთი და დავარგების კარგი პოტენციალით.
© ღვინის კლუბი/vinoge.com
თემა:
ბეჭდვა
თქვენი კომენტარი