ქათმის ღვიძლის პაშტეტი ბეკონით

საჭირო მასალა: 250 გ ცხიმიანი ბეკონი, 2 თავი ხახვი, 850 ქათმის ღვიძლი, 350 გ უცხიმო ღორის ხორცი, 1 კბილი დაჭყლეტილი ნიორი, 1 მწიკვი ძირა, 2 ცალი დაფნის ფოთოლი, 50 მლ კონიაკი, 150 მლ 35%-იანი ნაღები, პილპილი და მარილი გემოვნებით.

მომზადება: ბეკონი დავჭრათ და შევწვათ ცხელ ტაფაზე. იმავე ტაფაზე, ბეკონის შენამწვარში მსუბუქად მოვშუშოთ დაჭრილი ხახვი, დავუმატოთ ღვიძლი, დაფნის ფოთოლი, სანელებლები, 1-2 წუთი ვშუშოთ ერთად და შემდეგ გავატაროთ ჯერ ხორცსაკეპ მანქანაში წვრილ ბადეზე, შემდეგ დავატრიალოთ კომბაინში. მასას დავუმატოთ ნაღები და კონიაკი, ფორმაში ჩავფინოთ ფოლგა, ზედ მოვათავსოთ პაშტეტის მასა, ფოლგით დავხუროთ და გამოვაცხოთ 165 გრადუსზე 1 - 1.5 საათის განმავლობაში. სუფრასთან მიიტანეთ ბოსტნეულის სალათებთან ერთად.

 © ღვინის კლუბი/Weekend