საჭირო მასალა: 260 გ შებოლილი ღორის ხორცი, 3 თავი ხახვი, 2-3 ს.კ. ღორის ქონი ან ერბო, 1,5 ს.კ. ფქვილი, 2 ცალი დაფნის ფოთოლი, 60 მლ წითელი ღვინო, მარილი, თეთრი და შავი პილპილი.
მომზადება: გასუფთავებული კურდღელი მსხვილ ნაჭრებად დავჭრათ. გული, ღვიძლი და ფილტვები საშუალო ნაჭრებად დავჭრათ. დავაყაროთ მარილი და პილპილი და შევწვათ ადუღებულ ქონში ორივე მხრიდან. შებოლილი ღორის ხორცი დავმდუღროთ და წვრილად დავჭრათ. დავკეპოთ ხახვი. შებოლილი ხორცი და ხახვი ავურიოთ და დავუმატოთ კურდღლის ხორცს, დავასხათ რამდენიმე კოვზი ცხელი წყალი. დავახუროთ სახურავი და დაბალ ცეცხლზე ვხარშოთ. როცა ხორცი დარბილდება, მოვაყაროთ ფქვილი, დავუმატოთ დაფნის ფოთლები, წითელი ღვინო და 5-8 წუთი კიდევ ვხარშოთ. გარნირად შეგვიძლია მოვამზადოთ კარტოფილი, ბრინჯი ან მოხარშული ბოსტნეული.
© ღვინის კლუბი/Weekend
ბეჭდვა
თქვენი კომენტარი