Home
ქართული | English
მაისი 2019
ორშსამოთხხუთპარშაბკვი
293012345
6789101112
13141516171819
20212223242526
272829303112

მულტიმედია

კომენტარები

შოკოლადი ცხელდება, მაგრამ ინარჩუნებს თავის სინატიფეს

ეჭვგარეშეა, რომ შოკოლადში ამოვლებული ვაფლი თქვენს სუფრას განსაკუთრებულს გახდის. ცხადია, ცდად ნამდვილად ღირს, მაგრამ შოკოლადის გადნობის პროცესზე ფიქრმა, შესაძლოა, მისი მომზადება გადაგაფიქრებინოთ. ასე დამემართა მეც, მაგრამ ბოლოს მივხვდი, რომ უნდა მეცადა. და აი, ისიც:
მომზადება ძალიან ადვილია. საამისოდ მხოლოდ შოკოლადის ტემპერატურის საზომი ხელსაწყო და სულ მცირედი მოთმინება გჭირდებათ:
დარბილება არის პროცესი, როდესაც შოკოლადი დნობას იწყებს, იშლება მისი კრისტალური სტრუქტურა და საშუალება გეძლევა, საჭირო ტემპერატურაზე მას სასურველი ფორმა მიანიჭო. თუ ამას სათანადოდ გააკეთებ, გაგრილებული შოკოლადი გამაგრდება და ლამაზ, მბზინვარე ფორმად იქცევა. თუ სათანადოდ ვერ გააკეთებ, შოკოლადი მოთეთრო მორევად გადაიქცევა. იტყვიან, რომ მას მომზადებისას “ზედმეტი მოუვიდა”. “ზედმეტმოსული” შოკოლადი კი გემრიელია, მაგრამ პირველადი ხასიათი დაკარგული აქვს.
შოკოლადის დარბილების რამდენიმე მეთოდი არსებობს. მათგან მე უპირატესობას ე.წ. “მარცვლების” მეთოდს ვანიჭებ: ადნობთ შოკოლადს ( 110 – 115 გრადუსზე). მერე ცეცხლიდან გადმოიღებთ და გაუმდნარი შოკოლადის მცირე ნატეხებს (“მარცვლებს”) დაუმატებთ. ეს გაგრილების პროცესს დააჩქარებს. არ დაგავიწყდეთ, რომ თან ბლანტი მასის ტემპერატურა აკონტროლოთ. როდესაც პირველ "მარცვალს” ჩააგდებთ, შოკოლადის ტემპერატურა 80 გრადუსამდე დაიწევს. ამ დროს ნატეხების ყრა უნდა შეანელოთ ისე, რომ სიმხურვალე 88-იდან 91 გრადუსამდე მერყეობდეს. ეს ზუსტად ის ტემპერატურული შუალედია, რომელიც გამდნარ შოკოლადში “მარცვლების” ჩაძირვას სჭირდება.
არსებობს ერთი გასათვალსწინებელი გარემოება: ამ მეთოდით მხოლოდ შავ, ე.წ. “მწარე” შოკოლადთან უნდა იხელმძღვანელოთ. რძიან ან თეთრ შოკოლადთან ეს მიდგომა არ ივარგებს. პრაქტიკის საქმეა: ყოველ ჯერზე სულ უფრო უკეთ გამოგივათ. უკვე მიღებულ მასაში ორცხობილისა და გამომშრალი ხილის ჩაყრა შეიძლება. მოთმინება კი, ზემოთ რომ ვახსენე, სწორედ ამ უგემრიელეს მასაში “მარცვლების” ჩაძირვას სჭირდება.
გაფრთხილება: მთავარია, ტემპერატურა მკვეთრად არ დაეცეს, ან არ აიწიოს. წინააღმდეგ შემთხვევაში, შოკოლადი სინაზესა და სირბილეს დაკარგავს. თუ ხედავთ, რომ მეტისმეტად ცივდება, დააბრუნეთ ცეცხლზე. ძალიან გაცხელების შემთხვევაში კი გადმოღება არ დააყოვნოთ.
 
შემადგენლობა:
1 კგ მაღალი ხარისხის მწარე შოკოლადი (დაანაწევრეთ მცირე ზომის ნაჭრებად (ხელით, ან დამკეპავი მანქანით). ორცხობილა, კრეკერი, გამომშრალი ხილი ან ნებისმიერი რამ, რაც გგონიათ, რომ შოკოლადს ჩასაძირად მოუხდება, მასაში “ჩააყურყუმელავეთ”.
 
მომზადების ხანგრძლივობა: 45 წუთი. 20 ულუფა.
 
© New York Times News/ გაზეთი იბერია

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.