გოგრის მოტკბო-მომჟავო კომპოტი

საჭირო მასალა: 1 ცალი (1,2 კგ) გოგრა, 10 გ ნედლი ჯანჯაფილი, 1 ცალი ლიმონი, 120 გ შაქარი, 2 ცალი მიხაკი, 5 ს.კ. ძმარი, 0,5 დარიჩინის ღერი.

მომზადება: გოგრა გავჭრათ, ამოვაცალოთ თესლი, მოვაშოროთ ქერქი და კუბებად დავჭრათ. ჯანჯაფილი დავკეპოთ. ლიმონს ცედრა მოვაშოროთ და გავწუროთ. 250 მლ წყალში ჩავასხათ ლიმონის წვენი, დავუმატოთ 100 გ შაქარი, სანელებლები (მიხაკი, დარიჩინი, ლიმონის ცედრა, ჯანჯაფილი) და წამოვადუღოთ. როდესაც სიროფი გაცივდება, შიგ გოგრის ნაჭრები ჩავაწყოთ და 12 საათი გავაჩეროთ. შემდეგ გოგრის ნაჭრები ამოვიღოთ ქვაბიდან, სითხე წამოვადუღოთ და გოგრის ნაჭრები კვლავ მოვათავსოთ წვენში. ვხარშოთ 20-25 წუთის განმავლობაში. კომპოტიდან ამოვიღოთ მიხაკი და დარიჩინი. დავუმატოთ ძმარი, 20 გ შაქარი და გადმოვდგათ ცეცხლიდან.

© ღვინის კლუბი/Weekend