გამოქვეყნებულია: 1 ნოემბერი, 2010 - 19:21
საჭირო მასალა: 250 მლ. 35%-იანი ნაღები, 4 ს.კ. შაქარი, 2 კვერცხის ცილა, 0,5 ჭიქა ნიგოზი, 1-2 ს.კ. ხერესი, 2 ს.კ. არაჟანი, 1 ს.კ. თაფლი, 2 ჩ.კ. კაკაოს ფხვნილი, 1 ს.კ. შაქრის პუდრა.
მომზადება: კვერცხი კარგად გავთქვიფოთ 2 ს.კ. შაქართან ერთად. ცალკე ავთქვიფოთ ნაღები. 2 ს.კ. შაქარი დავყაროთ ცხელ ტაფაზე და ვურიოთ, სანამ არ გაოქროსფერდება, დავუმატოთ დათლილი ნიგოზი და ერთად მოვხალოთ. ფოლგაზე გადმოვიტანოთ კარამელიზირებული ნიგოზი და შევაგრილოთ. გათქვეფილი ცილა, არაჟანი, ნაღები, ხერესი, თაფლი და ნიგოზი ფრთხილად შევურიოთ ერთმანეთს. გათქვეფილი მასა პერგამენტის ქაღალდის ფორმებში მოვათავსოთ და 2 საათით შევდგათ საყინულეში. სანამ სუფრასთან მივიტანთ, 15 წუთით ადრე გამოვიღოთ და მოვაყაროთ შაქრის პუდრა და კაკაოს ფხვნილი.
© ღვინის კლუბი/“Weekend“
ბეჭდვა
თქვენი კომენტარი