წიწაკის საუზმე

საჭირო მასალა: 6 ცალი ტკბილი წიწაკა, 3 თავი ხახვი, 6 კბილი ნიორი, 6 ს.კ. ზეითუნის ზეთი, 1 ს.კ. ვარდისფერი პილპილი, 1 ს.კ. შაქარი, 1 ს.კ. ტომატპასტა, 1 ქილა (400 გ) თავის წვენში დაკონსერვებული პამიდორი, 1 ჩ.კ. ქინძის თესლი, 1 ლიმონი, 1 ჩ.კ. ხმელი თავშავა, 1 პატარა კონა ოხრახუში, პილპილი, მარილი – გემოვნებით.

მომზადება: წიწაკას თესლი ამოვაცალოთ და კუბებად დავჭრათ. ხახვი წვრილად დავჭრათ. ნიორი ავკეპოთ. ეს ყველაფერი 2 ს.კ. ზეთში მოვშუშოთ. მოვაყაროთ ვარდისფერი პილპილი და შაქარი, შევურიოთ ტომატპასტა და 1 წუთის განმავლობაში ვშუშოთ. დავუმატოთ პამიდორი და 350 მლ წყალი. მოვაყაროთ მარილი და 30 წუთის განმავლობაში ვადუღოთ. ქინძის თესლი დავფქვათ, დავუმატოთ ლიმონის ცედრა, თავშავა, წვრილად დაჭრილი ოხრახუში და ავურიოთ დანარჩენ ზეთში. მოვაყაროთ მარილი და პილპილი. წიწაკა მივირთვათ რუხ პურთან ერთად, ზემოდან კი მომზადებული ზეთი მოვასხათ.

© ღვინის კლუბი /Weekend