წიწაკა ლობიოს გულსართით

საჭირო მასალა: 3 ღერი მწვანე ხახვი, 2 ს.კ. ზეითუნის ზეთი, 400 გ დაკონსერვებული ლობიო, 150 მლ ბოსტნეულის ბულიონი, 2 ცალი დიდი და 1 ცალი პატარა ზომის ტკბილი წითელი წიწაკა, 0,5 კონა პიტნა, 2 ს.კ. სეზამის მარცვლები, მარილი, წიწაკა – გემოვნებით.

მომზადება: მწვანე ხახვი დავჭრათ. თეთრი ნაწილი 1 ს.კ. ზეითუნის ზეთში მოვშუშოთ. დავუმატოთ გადაწურული ლობიო, დავასხათ ბულიონი და 5 წუთის განმავლობაში ვხარშოთ. პატარა წიწაკას ამოვაცალოთ თესლი და წვრილად დავჭრათ, პიტნა დავკეპოთ. ლობიოს მასა ბლენდერით ავთქვიფოთ, მოვაყაროთ მარილი და წიწაკა. შევურიოთ დაჭრილი წიწაკა და პიტნა.  დიდი წიწაკები შუაზე გავჭრათ, ამოვაცალოთ თესლი და ლობიოს გულსართით ამოვავსოთ. მოვაყაროთ სეზამის მარცვლები და მწვანე ხახვი, მოვასხათ ზეითუნის ზეთი.

© ღვინის კლუბი /Weekend