სტაფილოსა და ფორთოხლის წვნიანი ნუშით

საჭირო მასალა: 2 თავი ხახვი, 5-6 ღერი მწვანე ხახვი, 1-2 კბილი ნიორი, 600 გ სტაფილო, 400 გ კარტოფილი, 2 ს.კ. ზეთი, 1 ს.კ. შაქარი, 0,5 ჩ.კ. კარის ფხვნილი, 1 ლ ბოსტნეულის ბულიონი, 300 მლ ფორთოხლის წვენი, 25 გ ნუშის ფანტელი, 100 მლ ნაღები,  75 მლ სქელი არაჟანი, მარილი, პილპილი – გემოვნებით, 4 ნაჭერი ფორთოხალი -  გასაფორმებლად.

მომზადება: ხახვი და ნიორი წვრილად დავჭრათ. სტაფილო და კარტოფილი პატარა კუბებად დავჭრათ. ქვაბში გავაცხელოთ ზეთი, დავუმატოთ ნიორი, ხახვი და მოვშუშოთ. დავუმატოთ კარტოფილი და სტაფილო, ერთი-ორჯერ ამოვურიოთ და დავასხათ ბულიონი ფორთოხლის წვენთან ერთად. მოვაყაროთ მარილი და პილპილი. წვნიანი 25 წუთი თავდახურული ვხარშოთ. ამასობაში მოვხალოთ ნუში. მოხარშული წვნიანი ავთქვიფოთ ბლენდერში, შევურიოთ ნაღები, დავუმატოთ ცოტა შაქარი და ერთხელ წამოვადუღოთ. მზა წვნიანი ამოვიღოთ ჯამებში, ჩავუმატოთ არაჟანი, მოვაყაროთ ნუში და დაჭრილი მწვანე ხახვი. სუფრაზე ფორთოხლის ნაჭრებთან ერთად მივიტანოთ.

© ღვინის კლუბი/Weekend