პამიდვრის წვნიანი კარითა და თხის ყველით

საჭირო მასალა: 1 თავი ხახვი, 1 კბილი ნიორი, 3 ს.კ. ზეითუნის ზეთი, 1 ს.კ. ტომატპასტა, 1 ს.კ. ფქვილი, 2 ს.კ. კარის ფხვნილი, 800-900 გ კანგაცლილი, დაჭყლეტილი პამიდორი, 400 მლ ბოსტნეულის ბულიონი, 1 ცალი ლიმონი, 4 ღერი ქონდარი, 1-2 ს.კ. თაფლი, 100 გ თხის რბილი ყველი, მარილი, წიწაკა – გემოვნებით.

მომზადება: ხახვი და ნიორი წვრილად დავჭრათ. ტაფაზე გავაცხელოთ 1 ს.კ. ზეთი და ხახვი და ნიორი 2-3 წუთის განმავლობაში მოვშუშოთ. დავუმატოთ ტომატპასტა, ფქვილი და კარის ფხვნილი. 1 წუთში დავუმატოთ ბულიონი, პამიდორი და 15 წუთი ვხარშოთ. ხანდახან ამოვურიოთ, რომ არ მიიწვას. ლიმონი ცხელი წყლით გავრეცხოთ, მოვაცილოთ ცედრა და გამოვწუროთ. წვრილად დაჭრილი ქონდარი, დარჩენილი ზეითუნის ზეთი, მარილი, წიწაკა, ლიმონის ცედრა და წვენი ავურიოთ. პამიდვრის წვნიანი ბლენდერით მსუბუქად ავთქვიფოთ, გავუწყოთ მარილი და თაფლი. დავუმატოთ ყველი და ქონდრის სოუსი.

© ღვინის კლუბი /Weekend