ორაგული სიცილიურად

საჭირო მასალა: 1 თავი წითელი ხახვი, 2 ცალი ფორთოხალი, 3 ღერი რეჰანი (შეიძლება მშრალის გამოყენებაც), 25 გ ფსტა, 8 ნაჭერი (თითოეული 40 გ) ორაგულის ფილე, 2 ს.კ. წითელი ღვინის ძმარი, მარილი, პილპილი – გემოვნებით.

მომზადება: ხახვი თხელ, მოგრძო ნაჭრებად დავჭრათ. ერთი ფორთოხალი გავფცქვნათ, მოვაშოროთ თეთრი რბილობი და დავჭრათ. მეორე ფორთოხალს მოვაცილოთ ცედრა და გავწუროთ. რეჰანი და ფსტა დავკეპოთ. თევზის ნაჭრებს წავუსვათ ზეთი, მოვაყაროთ ფსტა და მარილი. ტაფაზე გავაცხელოთ ზეთი და 4-5 წუთის განმავლობაში მოვშუშოთ ხახვი, მოვაყაროთ მარილი და პილპილი. დავუმატოთ ფორთოხლის წვენი, ცედრა და ძმარი. 3 წუთში დავუმატოთ დაჭრილი ფორთოხალი და რეჰანი. ტაფაზე გავაცხელოთ ზეთი, ზედ მოვათავსოთ თევზის ნაჭრები ისე, რომ ფსტამოყრილი ზედაპირი ქვემოთ მოექცეს. ორივე მხრიდან შევწვათ 1 წუთის განმავლობაში. სუფრაზე მოშუშულ ბოსტნეულთან ერთად მივიტანოთ.
© ღვინის კლუბი /Weekend