მოხარშული ქათმის ხორცი ისპანახით

საჭირო მასალა: 2 ცალი ქათმის მკერდი, 100 გ ისპანახი, 1 ცალი ცხარე წიწაკა, 1-2 ს.კ. ცივი გამოხდის ზეითუნის ზეთი, 1 კონა ქინძი, 1 ცალი ლიმონის წვენი, 1 ჩ.კ. სოიას სოუსი, 1 ს.კ. ძმარი ბალზამიკო, მარილი – გემოვნებით.

მომზადება: ქვაბში ჩავასხათ წყალი, შიგ მოვათავსოთ ქინძი, ლიმონის წვენი და დავაყაროთ მარილი. როცა წყალი ადუღდება, ჩავაწყოთ ქათმის ხორცი, დავახუროთ საფარებელი და დაბალ ცეცხლზე მოვხარშოთ. ისპანახიდან ავარჩიოთ რამდენიმე ლამაზი ფოთოლი და დანარჩენი მოვხარშოთ ჩვეულებრივი წესით, შემდეგ გადავწუროთ, შევაგრილოთ და წვრილად დავჭრათ. ჯამში ავურიოთ დაკეპილი მწვანე წიწაკა, სოიას სოუსი, და ბალზამიკო. თეფშზე დავაწყოთ ისპანახის ფოთლები, ზედ დავადოთ ქათმის ხორცის ნაჭრები და მომზადებული ისპანახი, მოვასხათ სოუსი და ზეთი.  

© ღვინის კლუბი/Weekend