გამოქვეყნებულია: 6 თებერვალი, 2012 - 12:14
საჭირო მასალა: კომბოსტოს 10 ცალი ფოთოლი, 10 თხელი ნაჭერი ყველი, 150 გ ლორი, 2 კვერცხი, მარილი - გემოვნებით. ფქვილარეული საფანელი შნიცელის ამოსავლებად, ზეთი - შესაწვავად.
მომზადება: კომბოსტოს ფოთლები რამდენიმე წუთით წამოვადუღოთ მარილწყალში. დარბილებული ფოთლები ქაფქირით ამოვიღოთ და შესაგრილებლად გავშალოთ. ლორი თხელ ნაჭრებად დავჭრათ და ორივე მხრიდან შევბრაწოთ ზეთში. დაფაზე გავფინოთ კომბოსტოს ფოთლები, თითოეულ ფოთოლზე დავაწყოთ ყველისა და ლორის ნაჭრები და კონვერტივით გადავახვიოთ. თითოეული შნიცელი ამოვავლოთ ჯერ მარილთან ერთად გათქვეფილ კვერცხში და შემდგ ფქვილნარევ საფანელში. შევწვათ ორივე მხრიდან და სუფრასთან არაჟნის თანხლებით მივიტანოთ.
© ღვინის კლუბი/Weekend
თემა:
ბეჭდვა
თქვენი კომენტარი