კარტოფილის ბრაწულა

საჭირო მასალა: 1 კგ კარტოფილი, 2 კვერცხი, 3 თავი ხახვი, 1 ჭიქა რძე, 150 გ. კარაქი,

0.5 ჭიქა არაჟანი, მარილი, წიწაკა – გემოვნებით.

მომზადება: მოვხარშოთ კარტოფილი და ცხელივე გავხეხოთ. დავუმატოთ ცხელი რძე, კვერცხი, დამდნარი კარაქი, მარილი, პილპილი და კარგად ავზილოთ. მასის ნახევარი გადავიტანოთ კარაქწასმულ ფორმაზე და გადავასწოროთ. ხახვი დავჭრათ და კარაქში მოვშუშოთ. დავფინოთ კარტოფილზე, წავუსვათ არაჟანი და დავაფინოთ დანარჩენი კარტოფილი. ზემოდან გადავუსვათ არაჟანი და 20-25 წუთით ცხელ ღუმელში მოვათავსოთ. ბრაწულასთან შეიძლება მივიტანოთ რძის, არაჟნის ან სოკოს სოუსი.

© ღვინის კლუბი/Weekend