ბაბა განუში

საჭირო მასალა: 2 საშუალო ზომის ბადრიჯანი, 2-4 კბილი ნიორი, 6-10 ს.კ. ტაჰინას პასტა, 1 ლიმონის წვენი, 1/4 ჩ.კ. დაფქული ძირა, მარილი, ცივი გამოხდის ზეითუნის ზეთი. გასაფორმებლად – ქინძის ფოთლები, ცხარე წიწაკის სოუსი, ზეთისხილი ან კიტრისა და წიწაკის მარინადი. სუფრასთან მისატანად – პური “პიტა” ან ფრანგული ბატონი.

მომზადება: ბადრიჯანი შევწვათ გრილზე ან გამოვაცხოთ ღუმელში. 30-60 წუთით მოვათავსოთ პარკში შესაგრილებლად, შემდეგ გავაცალოთ კანი, დავჭრათ და გავთქვიფოთ ბლენდერში. დავუმატოთ დაჭყლეტილი ნიორი, ტაჰინა, ლიმონის წვენი, ძირა და თუ ძალიან ჩასქელდება, დავამატოთ ცოტაოდენი წყალი ან ლიმონის წვენი. მიღებული მასა გადავიტანოთ სხვა ჭურჭელში და მოვაპკუროთ ზეითუნის ზეთი. გავაფორმოთ მწვანილით, ზეთისხილით ან მარინადით. სუფრასთან მივიტანოთ პიტასთან ან ფრანგულ ბატონთან ერთად.

© ღვინის კლუბი/Weekend