შვედური კატლეტები ჭარხლით

საჭირო მასალა: 200 გ საქონლის ფარში, 100 გ მოხარშული ჭარხალი, 100 გ მოხარშული კარტოფილი, 1 კვერცხი, 1-2 თავი ხახვი, ზეთი – შესაწვავად, კიტრის მწნილი – გარნირისთვის, მარილი, თეთრი პილპილი – გემოვნებით.

მომზადება: კარტოფილი და ჭარხალი წვრილ სახეხზე გავხეხოთ და კვერცხთან ერთად ავურიოთ ხორცის ფარშს. შევანელოთ მარილითა და პილპილით. მასისგან გავაკეთოთ პატარა ბურთულები და გაცხელებულ ზეთში ორივე მხრიდან შევწვათ. შემდეგ დავახუროთ სახურავი და ძალიან დაბალ ცეცხლზე 7 წუთი გავაჩეროთ. ხახვი მრგვლად დავჭრათ და ზეთში შევწვათ, მოვაყაროთ მარილი. კატლეტები მივირთვათ ხახვთან და კიტრის მწნილთან ერთად.

© ღვინის კლუბი/Weekend