ღორის ხორცი ლუდის სოუსში

საჭირო მასალა: 2 ცალი სტაფილო, 2 თავი ხახვი, 1 კბილი ნიორი, 1 მსხვილი ღერი ნიახური, 4 ნაჭერი ღორის ხორცი თავისი ძვლით (თითო ნაჭერი 200-220 გ), 1 ს.კ. ძირა, 2 ს.კ. ერბო, 400 მლ მუქი ლუდი, 2 ს.კ. წვრილად დაჭრილი ოხრახუში, მარილი, პილპილი – გემოვნებით.

მომზადება: ნიორი ავკეპოთ. სტაფილო თხლად დავჭრათ. ხახვი სიგრძეზე მსხვილად დავჭრათ. ნიახური კუბებად დავჭრათ. ხორცი გავრეცხოთ, შევამშრალოთ, მოვაყაროთ ძირა, მარილი და პილპილი. ტაფაზე გავაცხელოთ ერბო და ხორცის ნაჭრები ორივე მხრიდან შევწვათ. დავუმატოთ ბოსტნეული და 1-2 წუთი ვშუშოთ, შემდეგ დავასხათ ლუდი, დავახუროთ სახურავი და 20 წუთის განმავლობაში საშუალო ცეცხლზე ვშუშოთ. ხორცის ნაჭრები ამოვიღოთ ტაფიდან, დარჩენილი სოუსი ცოტა ხანი ვადუღოთ და მოვასხათ ხორცის ნაჭრებს.

© ღვინის კლუბი /Weekend