ფარშირებული თევზი

საჭირო მასალა: 3 ცალი 1 კგ-იანი კობრი, 6 თავი ხახვი, 4-5 კვერცხი, 1 გამომშრალი ფუნთუშა, მარილი, რძე ფუნთუშის დასალბობად, პილპილი გემოვნებით, ზეთი შესაწვავად.

მომზადება: თევზს მოვაცილოთ ფარფლები, ამოვიღოთ ფილე და ფრთხილად გავაცალოთ კანი. ფილე გავატაროთ ხორცსაკეპ მანქანაში. ხახვი წვრილად დავჭრათ და მოვშუშოთ. თევზის ფარშს დავუმატოთ რძეში დამბალი და გაწურული ფუნთუშა, პილპილი, მარილი, კვერცხი და კარგად მოვზილოთ. იდეალურ ვარიანტში უმატებენ შემწვარ სოკოსაც. ფარშის გუნდები სველი ხელებით გავაკეთოთ თევზის კანში გავახვიოთ, ჩავაწყოთ ფორმაში, დავაფაროთ ფოლგა და 160 გრადუს ტემპერატურაზე 1 საათის განმავლობაში ვაცხოთ. 1 საათის შემდეგ ფოლგა ავხსნათ, ტემპერატურა გავზარდოთ 190-200 გრადუსამდე და დავტოვოთ, სანამ შეიბრაწება. შეგრილებული თევზი დავჭრათ და ისე მივიტანოთ სუფრასთან.

© ღვინის კლუბი/Weekend