ცომში გახვეული თევზი ომლეტით

საჭირო მასალა: 500 გ. საფუვრიანი ცომი, 2 ს.კ. სეზამის მარცვლები, 0,5 კგ წითელი თევზის ფილე (მაგ. ორაგული),  100 გ თეთრი პური, 3/4 ჭიქა ნაღები, 1 თავი ხახვი, 2 ს.კ. კარაქი, მარილი, წიწაკა - გემოვნებით.

ომლეტისთვის - 2 ცალი კვერცხი, 1 კონა კამა, 2 ს.კ. რძე, მარილი, წიწაკა - გემოვნებით, ცხიმი - შესაწვავად.

მომზადება: თევზის ფილე ორჯერ გავატაროთ ხორცსაკეპ მანქანაში, შევურიოთ 0,5 ჭიქა ნაღებში დამბალი პური და კარაქში მოშუშული ხახვი, გავუწყოთ მარილი, წიწაკა, დანარჩენი ნაღები, კვერცხი და ავურიოთ. ცალკე შევურიოთ ომლეტის ინგრედიენტები და შევწვათ. გავაბრტყელოთ ცომი, ზედ მოვათავსოთ ფარში და ომლეტი, გადავახვიოთ რულეტივით, მოვაყაროთ სეზამის მარცვლები და გამოვაცხოთ ღუმელში 180 გრადუს ტემპერატურაზე.

© ღვინის კლუბი/Weekend