თევზი ქოთანში

საჭირო მასალა: 1 კგ თევზის ფილე, 200 გ სოკო, 100 გ ფქვილი, 100 გ ზეთი, 8 ცალი კარტოფილი, 3 ცალი ხახვი, 4 კბილი ნიორი, 1 კონა კამა და ოხრახუში, მარილი, შავი პილპილი – გემოვნებით.

მომზადება: თევზი დავჭრათ პატარა ნაჭრებად, მოვაყაროთ მარილი, პილპილი და ამოვავლოთ ფქვილში. ტაფაზე გავაცხელოთ ზეთი და თევზის ნაჭრები მაღალ ტემპერატურაზე ყველა მხრიდან შევწვათ. ხახვი დავჭრათ და წვრილად დაჭრილ სოკოსთან ერთად ზეთში მოვშუშოთ. კარტოფილი გავარჩიოთ, პატარა ნაჭრებად დავჭრათ და პატარა ქოთნებში მოვათავსოთ. დავუმატოთ მოშუშული ხახვი და სოკო, თევზის ნაჭრები და მწვანილი. ერთად დავნაყოთ ნიორში არეული მარილი და პილპილი. დავუმატოთ დანარჩენ ინგრედიენტებს, დავასხათ წყალი, დარჩენილი ზეთი და შევდგათ ღუმელში. შიგადაშიგ ქოთნები გამოვიღოთ და ამოვურიოთ.

© ღვინის კლუბი/Weekend