გამოქვეყნებულია: 17 სექტემბერი, 2008 - 22:36
გლეხებს ყურძნის ჩაბარების პირველი პრობლემები უკვე შეექმნათ. როგორც რადიო "ჰერეთს" გურჯაანის რაიონის სოფელ ველისციხიდან აცნობეს, ამ წუთებში ველისციხის ღვინის ქარხანასთან 2 კილომეტრიან რიგში 60-მდე ავტომანქანა დგას. გლეხები ყურძნის ჩაბარებას უკვე რამდენიმე საათია, უშედეგოდ ცდილობენ. მათი ინფორმაციით, ღვინის ქარხნის ადმინისტრაციამ ყურძნის მიღება დღის მეორე ნახევარში შეწყვიტა. კახეთის სამხარეო ადმინისტრაციაში აცხადებენ, რომ ქარხანაში ტექნიკა მოულოდნელად მწყობრიდან გამოვიდა. პრობლემის მოსაგვარებლად იქ შეკრებილ გლეხებს მოკრეფილ ყურძენს დღესვე ალტერნატიულ ქარხნებში ჩააბარებინებენ.
© “პირველი”თემა:
ბეჭდვა
