2010 წლის მონაცემთა შეჯამების შედეგად ცნობილი გახდა, რომ საფრანგეთმა მიმდინარე წელს ღვინის წარმოება 2%-ით შეამცირა და 45, 7 მილიონი ჰექტოლიტრი შეადგინა. ქვეყნის სოფლის მეურნეობის სამინისტროს მონაცემებით, ყურძნის წლევანდელი მოსავალი ბოლო ათი წლის განმავლობაში ყველაზე უარესი იყო, 2008 წლის რეკორდულად ცუდი მაჩვენებლის შემდეგაც კი. საფრანგეთიდან ღვინის ექსპორტის მოცულობა 2010 წლის იანვარ-სექტემბერში 7%-ით, ხოლო თანხობრივი თვალსაზრისით 13%-ით გაიზარდა (შამპანურის გაყიდვის ხარჯზე). შამპანურის გატანა ქვეყნის საზღვრებს გარეთ 45%-ით, თანხობრივად კი 50%-ით გაიზარდა. 2010 წლის ოქტომბერში საფრანგეთმა 34, 9 მილიონი ბოთლი შამპანური ჩამოასხა, რაც 2009 წლის იმავე თვეში გამოშვებული შამპანურის რაოდენობაზე 1,2%-ით მეტია. ოქტომბრის თვეში ფრანგული შამპანურის ექსპორტი 13,4%-ით გაიზარდა.
© ღვინის კლუბი/Weekend
ბეჭდვა
თქვენი კომენტარი