გამოქვეყნებულია: 4 სექტემბერი, 2009 - 15:55
“რთველი 2009”-ის შტაბის გახსნა, რომელიც გურჯაანში 5 სექტემბერს იგეგმებოდა, მომდევნო კვირისთვის გადაიდო - ამის შესახებ რადიო “ჰერეთს” სოფლის მეურნეობის სამინისტროში განუცხადეს.
რთველი კახეთში არაოფიციალურად უკვე მიმდინარეობს, თუმცა აქტიურ ფაზაში ჯერ არ შესულა. კახეთის სამხარეო ადმინისტრაციაში ვარაუდობენ, რომ რთველი 10 სექტემბრამდე გააქტიურდება.
ამ დროისათვის კახეთში ჯერ მხოლოდ ერთი ღვინის ქარხანა, წნორში მუშაობს.
აღსანიშნავია, რომ მევენახეთა და მეღვინეთა დასახმარებლად სპეციალური ვებ-გვერდის ამუშავება ამ დრომდე არ მომხდარა. გუბერნატორის მოადგილე კახეთში გიორგი სიბაშვილი აცხადებს, რომ ვებ-გვერდი 5 სექტემბრის შემდეგ გააქტიურდება.
რადიო "ჰერეთი"
ბეჭდვა
