უკრაინაში საზოგადოებას ახალი არაყი წარუდგინეს, რომელიც მწყრის კვერცხების გამოყენებით არის გამოხდილი. არაყი ,,პერეპიოლკა”უკრაინის არყის ნაციონალურ კომპანიასთან (НВК) არსებული არყის ინსტიტუტის ტექნოლოგთა ხანგრძლივი და თავდაუზოგავი შრომის შედეგია. მწარმოებელთა თქმით, არაყს საოცრად რბილი გემო და შესანიშნავი არომატი აქვს. სასმლის მთავარ ღირსებად მისი ნატურალურობა და ეკოლოგიური სისუფთავე სახელდება. ,,მწყრის კვერცხი ყველა იმ საჭირო და სასარგებლო ნივთიერებას შეიცავს, რომელიც ადამიანის ორგანიზმისთვის აუცილებელია. ის ასევე შეიცავს მინერალებსა და მიკროელემენტებს. მწყრის კვერცხის საკვებ რაციონში ჩართვა იმუნური სისტემის გაძლიერებასა და მეტაბოლური ბალანსის აღდგენას უწყობს ხელს,” – აცხადებენ კომპანიის მესვეურები. არაყი ,,პერეპიოლკა” სამი სახისაა: კარპატული, კლასიკური და შინაურული. სასმელი მომხმარებელთათვის მოსახერხებელ, 0,7 ლ და 0,5 ლ ტევადობის ბოთლებშია ჩამოსხმული.
© ღვინის კლუბი/Weekend
ბეჭდვა
თქვენი კომენტარი