Home
ქართული | English
მარტი 2024
ორშსამოთხხუთპარშაბკვი
26272829123
45678910
11121314151617
18192021222324
25262728293031

შეიძინეთ ჩვენი წიგნები ღვინის მაღაზიებში

მულტიმედია

კომენტარები

ევროკავშირმა ორგანული ღვინის განსაზღვრებას მიაღწია

ამ დღეებში ევროკავშირმა გამოაქვეყნა პრეს-რელიზი, რომელშიც ნათქვამია, რომ მიღწეულია შეთანხმება  ორგანული ღვინოების წარმოების რეგულირების  თაობაზე. კერძოდ, იმის მაგივრად, რომ უბრალოდ აღვნიშნოთ - ,,დამზადებულია ორგანული ყურძნისგან”, ახალი წესების მიხედვით წარმოებულ ორგანულ ღვინოებს ეტიკეტზე ახლა უკვე ოფიციალურად დაეწერება ,,ორგანული ღვინო”. 2012 წლის ვინტაჟიდან დაწყებული, ის მეღვინეები, რომლებიც ორგანული ღვინის წარმოების წესებს დაიცავენ, უფლებამოსილნი იქნებიან სასმელი ორგანული პროდუქციისთვის განკუთვნილი ევროპული ლოგოთი დაამშვენონ. დებატები ორგანული ღვინის წარმოების წესების შესახებ ჯერ კიდევ 2007 წელს დაიწყო, მაგრამ სულფატების გამოყენების საკითხში შეთანხმება ვერ შედგა და მოლაპარაკება ჩიხში შევიდა. ევროკავშირის ორგანული მეურნეობის მუდმივმოქმედი კომიტეტის მიერ დადგენილი წესები რამდენიმე კვირაში გამოქვეყნდება ოფიციალურ მედიაში. მათ მიხედვით, დანამატების გამოყენების არეალი შეიზღუდება, ხოლო ზოგიერთი ტექნოლოგიის გამოყენება საერთოდ  აიკრძალება. ეს ეხება, მაგალითად, ნედლეულის გაცივების შედეგად შესქელების, დეალკოჰოლიზაციის, გოგირდის დიოქსიდის გამოყენების, ელექტრო დიალიზის და ა.შ. პროცესებს, რადგან ეს ყველაფერი ძალზე შორსაა ჭეშმარიტად ორგანული ღვინის დაყენების პრინციპებისგან. ორგანული ღვინის წარმოებაში საერთოდ აიკრძალება ზოგიერთი დანამატის გამოყენება, როგორიცაა, მაგალითად, სორბინის მჟავა. ნებადართული იქნება ორგანულ ბაზაზე დამზადებული ნატურალური დანამატების გამოყენება, ოღონდ მკაცრად განსაზღვრული რაოდენობით. მაგალითად, SO2 შემცველობა წითელ ორგანულ ღვინოში ლიტრზე მაქსიმუმ 100 მლ, ხოლო თეთრსა და ვარდისფერში - ლიტრზე 150 მლ ოდენობით იქნება დასაშვები. შედარებისთვის, ამერიკის შეერთებულ შტატებში სულფიტების მაქსიმალური დასაშვები დოზაა ლიტრ ღვინოზე 350 მლ.

© ღვინის კლუბი/Weekend



როგორ შეეხება ეს ქართველ მეღვინეებს და რამდენად შეესაბამება ტრადიციული ქართული ღვინის დაყენების წესი ორგანული ღვინის დამზადების ამ სტანდარტებს?


თუ საუბარია ქვევრის ღვინოზე, მაშინ უპრობლემოდ მოხდება ეს ყველაფერი. ანუ ქვევრის ღვინო ყველა პარამეტრით ჯდება, არამარტო ბიოღვინოების ჩარჩოებში, არამედ ნატურალურშიც, თუ, რა თქმა უნდა ქვევრში საფუარსა და სხვა ქიმიას არ ჩაყრიან, რაც ამ უკანასკნელის შემთხვევაში სრულიად ზედმეტია. ზოგადად ქართული ღვინის შემთხვევაში კი ეს უფრო მეტადაა შესაძლებელი, რადგან გოგირდის მაქსიმალურ დოზებს ისედაც თითქმის არავინ იყენებს.

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული