არქეოლოგთა ჯგუფმა ახლახან ზღვის ფსკერზე ჩაძირული ექვსი ძველებური ქვემეხი აღმოაჩინა, რომლებიც, სავარაუდოდ, ლეგენდარულ მეკობრესა და იამაიკის ვიცე-გუბერნატორს, ჰენრი მორგანს ეკუთვნოდა. მსოფლიოში სახელგანთქმულ რომს Captain Morgan სწორედ მის პატივსაცემად ეწოდა.
იარაღი პანამის სიახლოვეს, იმ ადგილას აღმოჩნდა, სადაც 1600 წელს კაპიტან მორგანის გემი ჩაიძირა. ამ ფაქტს ალკოჰოლური კომპანია Captain Morgan-ის მესვეურები გამოეხმაურნენ – მათ განაცხადეს, რომ არქეოლოგიური ექსპედიციის ყველა მონაწილეს თითო კასრი რომით დაასაჩუქრებენ, ხოლო მათ ერთ-ერთ ქარხანას კი მამაცი მკვლევარების სახელი მიენიჭება. კომპანიის მესვეურები იმედს გამოთქვამენ, რომ ჩაძირულ გემზე შესაძლოა რომის – ჭეშმარიტად მეკობრული სასმლის მარაგიც იყოს გადარჩენილი. ცნობილია, რომ ჰენრი მორგანი დიდად აფასებდა რომს და მისი გარკვეული რაოდენობა, სავარაუდოდ, გემზეც ექნებოდა გადანახული. კომპანია დიდ გასამრჯელოს და ახალ სარეკლამო კამპანიაში ჩართვას ჰპირდება მას, ვინც ამ უძველესი რომის თუნდაც ერთ ბოთლს აღმოაჩენს.
© ღვინის კლუბი/Weekend
ბეჭდვა
თქვენი კომენტარი