ნიუ-იორკში, როჩესტერის ტექნოლოგიის ინსტიტუტში ჩატარებულ ადგილობრივი წარმოების აისვაინების კონკურსში გამარჯვა ღვინომ Casa Larga Fiori Vidal Blanc Ice Wine 2007. ონტარიოს ტბის ნაპირას გაშენებული საწარმოს ღვინოებისთვის ეს ჯილდო პირველი არ არის - Casa Larga Vineyards Riesling Ice Wine 2008ოქროს მედლით, ხოლო Casa Larga Cabernet Franc Ice Wine 2008 ვერცხლის მედლით აღინიშნა. სამი წლის წინ გამართულ კონკურს International Wine & Spirit Competition 2008-ზე საუკეთესო სადესერტო ღვინოდ Casa Larga Fiori Vidal Ice Wine 2005 დასახელდა. საწარმოს ამგვარი წარმატება შემთხვევითი სულაც არ გახლავთ – მათმა პროდუქციამ, საერთო ჯამში, სხვადასხვა კონკურსებზე 600-ზე მეტი ჯილდო და მედალი დაიმსახურა. აღსანიშნავია, რომ დეგუსტაციაში მხოლოდ ნიუ-იორკის შტატის ის მარნები მონაწილეობდნენ, რომლებიც აისვაინის წარმოების ტრადიციულ მეთოდებს მისდევენ. კრიო-კამერების დახმარებით დაყენებული ”ხელოვნური” აისვაინები კონკურსზე არ დაიშვებოდა.
© ღვინის კლუბი/Weekend
ბეჭდვა
თქვენი კომენტარი