სააგენტო Bloomberg-მა,მეღვინეობის მსოფლიო ორგანიზაციაზე დაყრდნობით გაავრცელა ინფორმაცია, რომ 2012 წელს, წინასწარი შეფასებით, ღვინის წარმოება მსოფლიოში 6,1%-ით შემცირდება. ყველაზე მეტად ეს ტენდენცია საფრანგეთზე, არგენტინაზე, უნგრეთსა და ახალ ზელანდიაზე აისახება. თუკი გასულ წელს 264,2 მილიონი ჰექტოლიტრი ღვინო იყო წარმოებული, წელს 248,2 მილიონი ჰექტოლიტრის წარმოება იგეგმება. მხოლოდ საფრანგეთში, წინასწარი პროგნოზების მიხედვით, ღვინის წარმოება 19-20%-ით შემცირდება, რაც უკანასკნელი 20 წლის განმავლობაში ყველაზე დაბალი მაჩვენებელია. უნგრეთში კიდევ უფრო ცუდადაა საქმე - საუბარია წარმოების 32%-ით შემცირებაზე. არგენტინა და ახალი ზელანდია კი წელს, შესაბამისად, 24% და 17%-ით ნაკლებ ღვინოს ჩამოასხამენ. ღვინის საერთო მოხმარება, მიმდინარე წელს, წინასწარი პროგნოზებით 235,7-249,4 მილიონი ჰექტოლიტრით არის განსაზღვრული. ფრანგული ღვინის მწარმოებელი წამყვანი კომპანიის - Groupe Val d’Orbieu-ს ხელმძღვანელის აზრით, მსოფლიო ბაზარი დაახლოებით 10 მილიონი ჰექტოლიტრი ღვინის უკმარისობას განიცდის, რაც დაახლოებით 1,3 მილიარდ ბოთლს უტოლდება.
© ღვინის კლუბი/Weekend
ბეჭდვა
თქვენი კომენტარი