Home
ქართული | English
მარტი 2024
ორშსამოთხხუთპარშაბკვი
26272829123
45678910
11121314151617
18192021222324
25262728293031

შეიძინეთ ჩვენი წიგნები ღვინის მაღაზიებში

მულტიმედია

კომენტარები

ნოდარ ბაღაშვილის მარანი – მცირე მარნების მცირე ანთოლოგია (13)

– როდის გადაწყვიტეთ მარნის დაარსება და რა იყო ამის მიზეზი?

მარნის რესტავრაცია ჩატარდა 1962 წელს, მარნის დაარსების ძირითადი მიზეზი გახდა ჩემი პროფესია. პროფესიით ვიყავი ღვინის ტექნოლოგი, გვქონდა საკარმიდამო ვენახი და აგრეთვე ოჯახის რელიქვია, უძველესი ქვევრები. ფაქტობრივად, პრაქტიკა გავიარე ჩვენს საოჯახო მარანში, რის შემდეგაც, 1963 წლიდან, გავაგრძელე მუშაობა პროფესიით „სამტრესტი“-ს წინანდლის, ტიბაანის და დედოფლისწყაროს ღვინის ქარხნებში მუშის პოზიციიდან გაერთიანების გენერალური დირექტორის თანამდებობამდე. მარანს ვიყენებდით მხოლოდ არაკომერციული ინტერესებისთვის. 2015 წელს მოვახდინეთ მარნის მოდერნიზაცია და საბოლოო რესტავრაცია და ამჟამად ვიყენებთ როგორც საოჯახო, აგრეთვე კომერციული ინტერესებისთვის.

– ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას?

გაშენებული გვაქვს: რქაწითელის, საფერავის, ხიხვის, მწვანეს, თავკვერისა და ალექსანდრიული მუსკატის ვაზის ჯიშები. ყურადღების გამახვილებას ვაპირებთ კაბერნეზე.

– რა ღვინოებს აწარმოებთ და რითაა გამორჩეული თქვენი ღვინო?

ვაწარმოებთ ქვევრის რქაწითელსა და საფერავს, ჩვენს საოჯახო მარანში წარმოებული ღვინოები გამოირჩევა თავისი სინაზითა და მაღალმჟავიანობით, რომელიც დავარგების შემდეგ კიდევ უკეთესი ხდება.

– გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?

ამ ეტაპზე ურთიერთობა გვაქვს მხოლოდ ჩვენს ექსკლუზიურ პარტნიორ ღვინის მაღაზიასთან, „მარანი გრიბოედოვზე“, რომელიც მდებარეობს ქ. თბილისში გრიბოედოვის ქუჩა 18-ში. ჩვენს მარანში წარმოებული საფერავის და რქაწითელის გაყიდვა დავიწყეთ 2015 წლიდან. ძირითადათ ვყიდით ჩამოსასხმელ ღვინოებს და ჩვენს მიერ გამოხდილ ჭაჭის არაყს.

– გადის თუ არა თქვენი ღვინო უცხოეთის ბაზარზე?

ამ ეტაპზე ჩვენი ღვინო უცხოეთის ბაზარზე არ გადის.

– რა სახის სირთულეები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?

რაც შეეხება სირთულეებს, აღსანიშნავია ვაზის მოვლის საშუალებების, შესაწამლი ნივთიერებების და სასუქების დაბალი ხარისხი. სირთულეები შემხვედრია ამ მიმართულებით. წელს ვერანაირად ვერ ვუშველეთ ვაზის ჭრაქს და ნაცარს. ყოველთვის ვცდილობ ნაკლებად ვიხმარო შხამ–ქიმიკატი, რათა რამენაირად გადავიდე ბიო „რელსებზე“, მაგრამ ცოტა მიჭირს ამის გაკეთება. ვფიქრობ, საჭიროა ბიო–ღვინოების პოპულარიზაცია, მოვიდა დრო ვაწარმოოთ ბიო პროდუქცია, ღვინის კლუბი ეწევა ამის პოპულარიზაციას და შედეგიც დადგება ახლო მომავალში.

აგრეთვე მეტად მნიშვნელოვანია ღვინის ხარისხის კონტროლი, რაც ბოლო პერიოდში გამკაცრდა და მისასალმებელია. ამ მიმართულებით ძალიან ბევრს აკეთებს ღვინის ეროვნული სააგენტო.

– თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?

ქართული ღვინის კულტურის განვითარებისთვის მეტად მნიშვნელოვანი ფაქტორია ღვინის ხარისხი. აგრეთვე საჭიროა მუშაობა საინფორმაციო კუთხით, ჩვენ გაგვაჩნია ღვინის წარმოების საუკონოვანი ტრადიციები და საჭიროა ისტორიული ფაქტების და ქართული ღვინის წარმოების კულტურის მეტი პოპულარიზაცია საზღვარგარეთ, რასაც ძალიან კარგად ართმევს თავს ღვინის კლუბი და ღვინის ეროვნული სააგენტო. მეტად აქტუალურია ქვევრის ღვინის პოპულარიზაცია როგორც საქართველოში აგრეთვე მის ფარგლებს გარეთაც. ვინაიდან ბოლო პერიოდში ძალიან პოპულარული გახდა მცირე მარნების აშენება და აგრეთვე ღვინოების დაყენება ქართული ტრადიციული მეთოდებით, საჭიროა მეტი ცოდნა ტექნოლოგიური პროცესების შესახებ, ღვინის კლუბის მეშვეობით საჭიროა მეტი ტრეინინგ-სემინარების ორგანიზება, სადაც მოხდება დამწყებთათვის ტექნოლოგიური და სხვა პროცესების სწავლება, რაც დადებითად აისახება ქართული ღვინის კულტურის განვითარებაზე.

– რას ურჩევდით დამწყებ მევენახე–მეღვინეებს?

დამწყებ მევენახე-მეღვინეებს ვურჩევდი გულით მოეკიდონ ამ მნიშვნელოვან საქმეს, მიუხედავად ამ სფეროში არსებული სიძნელეებისა, არ დაყარონ ფარ-ხმალი და კეთილსინდისიერად ემსახურონ ჩვენს ქვეყანას, პრიორეტეტად გაიხადონ ღვინის წარმოების ხარისხი, რაც მეტად მნიშვნელოვანია დღევანდელი მაღალი კონკურენციის პირობებში.

საკონტაქტო ინფორმაცია:

ნოდარ ბაღაშვილის მარანი

მისამართი: დედოფლისწყაროს რაიონი სოფელი არბოშიკი, 1602, საქართველო

ტელეფონი: +995593992112

ელფოსტა: ambako777@gmail.com

ვებგვერდი: www.bagashviliwinery.webs.com

ფეისბუკგვერდი: www.facebook.com/bagashviliwinery

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი



Me piradad moxaruli var rom baton nodar bagashvilma moaxdina am maranis agdgena da modernizacia.nadvilad misasalmebelia aseti sakmis keteba da misabazi, es xom uzvelesi kartuli kultura da tradiciaa.martlaç sauketeso saperavi icureba tkvens maranshi tumca zalian kargia rkawitelic.winsvlas da warmatebebs gisurveb batono nodar da yoveltvis xvavsa da barakas.pativiscemit tamunia

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული