Home
ქართული | English
იანვარი 2022
ორშსამოთხხუთპარშაბკვი
272829303112
3456789
10111213141516
17181920212223
24252627282930
31123456

მულტიმედია

კომენტარები

„ახალი ღვინის ფესტივალი 2021“-ში მონაწილე ღვინის კომპანიები

რამდენიმე დღის წინ დასრულდა ახალი ღვინის ფესტივალში მონაწილე ღვინის კომპანიების რეგისტრაციის და საოჯახო მარნების შესარჩევი დეგუსტაციების პროცესი და დღეს სიამოვნებით გაგაცნობთ მათი ნაწილის ვინაობას.

კომპანიების ჩამონათვალში შეხვდებით როგორც უკვე ცნობილ და ყველასთვის საყვარელ ღვინის კომპანიებსა და მცირე მარნებს, ასევე ახალ ბრენდებს, ახალი ღვინოებითა და კონცეფციებით. დღეს ფესტივალის მონაწილე ღვინის კომპანიებს გავეცნობით, ხოლო 19 ნოემბერს გამოვაქვეყნებთ იმ ახალი საოჯახო მარნების სიას, რომელთა ღვინოებიც ფესტივალზე წარსადგენად „ღვინის კლუბის“ სადეგუსტაციო კომისიის მიერ დეგუსტაციის პრინციპით შეირჩა.

დღევანდელი მონაცემებით „ახალი ღვინის ფესტივალი 2021“-ში მონაწილეობას მიიღებს 51 ღვინის კომპანია, 4 სხვა კომპანია (ღვინის აქსესუარები, გამომცემლობა), 6 მცირე მეწარმე - ხელნაკეთი ნივთები. მათ რიცხვს დაემატება 100-მდე ახალი საოჯახო მარანი. როგორც ზემოთ აღვნიშნეთ, საბოლოო სია გამოქვეყნდება 19 ნოემბერს. 

27 ნოემბერს, ახალი ღვინის ფესტივალში მონაწილეობენ შემდეგი ღვინის კომპანიები:

  1. აკრიანი
  2. ალაფიანის მარანი
  3. ალექსანდრე დისტილერი
  4. ანაპეა
  5. ანბანი
  6. არაგვისპირის მარანი
  7. ბაიას ღვინო
  8. ბოლერო
  9. ბრავო
  10. გაბრიელის ღვინო
  11. გურამ ბერუაშვილის მარანი
  12. დო რე მი
  13. ეიფორია
  14. ვახტანგ ბერუაშვილის მარანი
  15. ვინვინარი
  16. ვისმინო
  17. ზურაბ კვირიაშვილის ვენახები
  18. თბილღვინო
  19. კალამი
  20. კასრელი
  21. კარდანახი 1888
  22. კორპორაცია ქართული ღვინო
  23. ლაგვანი
  24. ლოლაძეების საოჯახო მეღვინეობა
  25. მარანი უწყინარი
  26. მარნაველი
  27. მეღვინეობა მახარებელი
  28. მეღვინეობა რტონი 
  29. მეღვინეობა სამისი
  30. მეღვინეობა შათირი
  31. მეღვინეობა ხარება
  32. ნადელი
  33. ნასრაშვილების საოჯახო მეღვინეობა
  34. ორთომელი
  35. პეტრიაანთ მარანი
  36. რთველისი
  37. საქველმოქმედო კავშირი თემი
  38. ფაზენდა ვაინერი
  39. ქართული ღვინოები
  40. ქართული ღვინის სახლი
  41. 39 ქვევრი
  42. ღვინის კომპანია შუმი
  43. შალვა გვარამაძის მეღვინეობა
  44. შატო რუსსო
  45. ძველი თბილისი
  46. ჭური ჩინებული
  47. BM-wine Chokhoniauri
  48. Tiko Estate
  49. Mtsvane Estate  
  50. GI – DI
  51. Gogla’s

სხვა კომპანიები:

  1. ღვინის კლუბი
  2. გამომცემლობა ვაზი
  3. ტაბლა ნოვა
  4. BTM

ხელნაკეთი ნივთები:

  1. Emocia Wines, Wine Diamond
  2. Lepert
  3. Accesories
  4. ლილე 
  5. ფოტია
  6. ხილაბანდი

“ახალი ღვინის ფესტივალი 2021“ წელს 27 ნოემბერს გაიმართება. ფესტივალს ტრადიციულად, მთაწმინდის პარკი უმასპინძლებს. ფესტივალის მხარდამჭერია ღვინის ეროვნული სააგენტო. საინფორმაციო მხარდაჭერას უზრუნველყოფს საიტი "მარანი" (vinoge.com), ღვინის საინფორმაციო ცენტრი, რადიო უცნობი. ღონისძიების პარტნიორია მთაწმინდის პარკი, ღვინის ბარი ჯი.ვინო • G.Vino, ღვინის მაღაზიათა ქსელი 8000 მოსავალი, საქართველოს პარლამენტის ეროვნული ბიბლიოთეკა.

მსოფლიოში შექმნილი ვითარებიდან გამომდინარე მე-11 “ონლაინ ახალი ღვინის ფესტივალი” 2020 წლის 27, 28, 29 დეკემბერს, სრულიად განსხვავებულ პირობებში ჩაატარდა, განსხვავებული ფორმატითა და კონცეფციით.

წელს კი, ფესტივალი, უსაფრთხოების რეკომენდაციების ყველა წესის დაცვით, მთაწმინდის პარკში გაიმართება. ფესტივალამდე სასურველია კოვიდსაწინააღმდეგო აცრის გაკეთება, ისევე როგორც ფესტივალის მსვლელობის დროს პირბადის ტარება, დისტანციის დაცვა. 27 ნოემბრამდე „ღვინის კლუბი“ არაერთ რეკომნდაციას და რჩევას შემოგთავაზებთ კოვიდ-უსაფრთხოებასთან დაკავშირებით.

როგორც ყოველთვის, ახალი ღვინის ფესტივალზე დასწრება უფასოა.

ახალი ღვინის ფესტივალი 2021 ღვინის დღესასწაულის მონაწილეებს, სტუმრებს ბოლო მოსავლის (2020 წ.) ასეულობით ახალი ღვინის გასინჯვას, ამ ღვინოების ავტორების გაცნობას და ახალი გემოების აღმოჩენის დაუვიწყარ შთაბეჭდილებებს გპირდებათ.

ახალი ღვინის ფესტივალის მთავარი იდეა ქართული ტრადიციული ქვევრის ღვინის პოპულარიზაცია, ახალი ჯიშებისა და ადგილების აღმოჩენა, საქართველოში ღვინის განათლების დონის ამაღლება და სამომხმარებლო კულტურის გაზრდაა.

2010 წლიდან დაწყებული ყოველ წელს ფესტივალი იზრდება. ასპარეზზე ახალი საოჯახო მარნები და ღვინის კომპანიები ჩნდებიან და თავიანთ ბოლო მოსავლის ღვინოებს გვასინჯებენ. 2019 წელს ფესტივალზე შეკრებილი იყო დიდი, საშუალო და მცირე მეღვინეობები, ასოციაციები და სახელმწიფო ორგანიზაციები - სულ 200-ზე მეტი მონაწილე. 2020 წლის სამდღიან „ონლაინ ახალი ღვინის ფესტივალში“ მონაწილეობა მიიღო 50-მდე ღვინის კომპანიამ.

ახალი ღვინის ფესტივალს ღვინის მწარმოებლების გარდა მოუთმენლად ელიან ქართველი და უცხოელი ღვინის პროფესიონალები, ღვინის მწერლები, ღვინის ბარ-რესტორნები და მოყვარულები. რამდენიმე წელია, ტრადიციულად, მსოფლიოს სახელოვან ღვინის მაგისტრებს, სომელიეებს, იმპორტიორებსა და ღვინის მწერლებს ჩანიშნული აქვთ ახალი ღვინის ფესტივალის თარიღი და ემზადებიან ქართულ ღვინოებთან შესახვედრად.

ქართული ღვინის ყველა გულშემატკივარს წლევანდელი ახალი ღვინის ფესტივალი კვლავ მთაწმინდის პარკში ელის. 27 ნოემბერს,  11:00-დან 18:00 საათამდე საქართველოს სხვადასხვა კუთხის ღვინის დიდი კომპანიები, საშუალო და მცირე მეღვინეობები, ოჯახური მარნები ფესტივალის სტუმრებს დაახვედრებენ ბოლო მოსავლის (2020 წლის) საუკეთესო ღვინოებს.

ახალი ღვინის ფესტივალის ხიბლი სწორედ მრავალფეროვნება და ახალი გემოების აღმოჩენაა, თან უშუალოდ ღვინის მწარმოებლებთან შეხვედრისას უფრო მეტის გაგება შეგვიძლია იმ ღვინის შესახებ, რომელსაც გავსინჯავთ და მოგვეწონება.

ახალი ღვინის ფესტივალი 2021 დაიწყება ქვევრის გახსნის ტრადიციული ცერემონიით, მრავალჟამიერის თანხლებით. ამ ქვევრში, როგორც წესი, ღვინის კლუბის მიერ შერჩეული საოჯახო მარანში დაწურული საუკეთესო ღვინო დაგხვდებათ.

ფესტივალის კარი ყველა სტუმრისთვის ღიაა. ფესტივალზე ისიამოვნებთ კარგი მუსიკით, იქნება სახალისო პროგრამა, სტუმრებისთვის გათამაშდება 10 ყუთი საუკეთესო ღვინო და სხვა.

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი



რამდენი ახალი კომპანიაა. ნახევარი პირველად გავიგე.

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული